| Ju's profile蕭開開PhotosBlogLists |  Tools  Help |
|
26 March March 26今天是一個我曾經很喜歡的人的生日。
其實很久之前已準備了生日禮物給他，思前想後，最後我決定將這份禮物連同兩個 job interview 的機會一同轉送了他人。最終我還是只send 了一個「Happy Birthday!」SMS給他，但這個SMS讓我陰沈了五分鐘。
我曾經根據一些案例，計算過大約26天我便會完全康復。26天已過去，但這個SMS讓我知道原來我還未痊癒。
希望有一日我只會記著你既好，而忘記了你既不好。
生日快樂呀！ 20 March 你的紋身痛不痛?從一位很有趣的男士的blog 上看到這個post，相信他是常被人ask about 佢兩個紋身：
Q:「你的紋身痛不痛?」
A:「好舒服」 原因: 對方必答「紋身不是應該痛的嗎?」我咀角帶笑輕蔑:「咁你又問?」 紋身和雞姦一樣會痛，是COMMON SENSE，這種人如被雞姦後，我必問他「痛不痛」。 十分有趣搞笑的對答呢!!!不少人也曾問我這個問題，紋身是刺膚之痛，又點會唔痛呢~
舅母：「你的紋身痛不痛?」
蕭開開：「梗係痛！」
舅母：「咁你仲紋？」
蕭開開：「因為我愛上了這種痛！ 」
舅母及其他人已被這個答案嚇到目定口呆。
舅母：「咁你心入面一定係有d 野好痛。」
蕭開開：「...................................」
好感性的對答啊！
12 March 為「雲吞雞湯」的雞拆雞骨的男人昨晚跟 Mark 和其男友 Nicky 一齊食晚飯，當吃到「雲吞雞湯」的時候，而我和阿Mark 還忙於吹水時，Nicky突然很溫柔細心地為「雲吞雞湯」的雞拆皮起骨，然後慢慢分給我和阿Mark 吃。
在我記憶中，我好像未曾遇會咁主動為「雲吞雞湯」的雞拆雞骨的男人，頂多都係夾一兩舊俾你便算，絕不會像Nicky 般體貼，不用我們操勞便有得食，更唔會打擾我們吹水。
那一刻，我十分羨慕阿Mark 有個咁好既男朋友，同時又諗起Mark 曾說：「其實 Nicky都直過架！」然後我心入面不禁對阿Mark大喝一句：「仆街，你做乜搞攣佢呀？！」
到底直既男人係咪唔會主動幫「雲吞雞湯」的雞起骨架呢？
史上最"law"的事今夜我做了一件超級雷霆咁"law"既事---就係唔記得帶身份証出街！仲要搞到入唔到場！
去到「慈禧」，點知門口實 Q 堅決要check ID，我先發現自己唔記得帶！！！
結果個個friend 入晒場，得我入唔到！即刻打電話俾各方好友，諗住睇下有冇人in LKF，可以借住個身份証黎用住先，搏一搏........
點知好不幸係冇人幫到我..............結果我只好飛的返屋企攞.........................."law"爆！！！
點知再返到黎「慈禧」門口，竟然排晒大隊，個場short Q左唔放人入去！我足足等左50 minutes 先入到場！！！
頂！以後都唔鬼去「慈禧」！
好彩冇miss 到DJ Ricky Stone既精彩演出！正！！！ 08 March 腳眼上的紋身昨晚又有一位朋友問我：「你會唔會去阿Jan度改一改你腳眼個紋身或者洗左佢呀？」
佢已經唔係第一個人問我呢個問題，其實我由頭到尾都冇呢個打算。
這是我生命中的第一個紋身，爭扎了近10年才成事，我又點會咁輕易去洗左佢呢！
這個紋身意義重大，除了是一樣我渴望了10年的東西，更是一個很大很大的教訓和報應。曾經付出很多，但最後乜野都得唔到，仲要失去很多，呢舖真係蝕突，仲係蝕到入肉0個隻！
這個紋身提醒我不要重蹈覆徹，提醒我不要跟好朋友走得太近，提醒我日後要帶眼識人，提醒我今後要對自己的伴侶忠誠.........
還有必要將它修改或洗掉嗎？ 07 March 永冇真理教呢排竟然同一班朋友仔玩到冇野好玩，玩搞「教會」! 搞左個「永冇真理教」出黎！
呢件事聽落好低能，但我地出奇地認真，好認真地低能！又整blog、又開e-mail account，仲design 埋 Logo 同MSN animated icon！告狄仲話要拍埋video！難得Terry 好enjoy 做佢既教主，樂此不疲地四圍傳教同傳援佢d 歪理！大家都咁落力，相信不久既將來「永冇真理教」定變成第二個法輪功！
Structure of 「永冇真理教」：
師公阿叻－教宗 (呢個平日唔出黎既，only special occasion or Sunday 先出現０係窗口揮揮手)
師父Terry－教主
告狄－白紙扇 White Paper Fan
蕭開開－雙花紅棍 Double Flower Red Stick
Patrick－四九仔
Joanne－燈籠仔
新會員：Creepy 同Debbie
有興趣加入「永冇真理教」者亦可 send e-mail to foolingaround2007@hotmail.com Poll ResultThe poll is closed! 謝謝各位有份投票的人士。
The result is :
Case #1 -- 1票
Case #2 -- 0票
Case #3 -- 14票
Case #3 is the Winner!
05 March Y太 vs L太 vs C先生如果TVB有機會再做「有招出招」呢個節目，Y太、L太同C先生都應該上去比拼一下。 你認為佢地三個邊個最勁？ Case # 1： Y太在內地某街邊檔購買陶瓷公仔一個，竟然由 $2000講價講到 $60成交。
Case #2：
L太在內地某CD舖買碟，每隻只係賣 $5，但佢都可以講價講到 $4.50一隻。
Case #3：
本港法律規定紅色的士起標 $15，C先生所乘撘的車程其實無需跳標，只需$15，但佢竟然可以講價講到 $5。
Please vote now！ 區太的利是今年的利是岩岩拆晒，成績好滿意！
不過其中兩封實在令人失望！
今天晚上終於逗了今年最後的兩封利是，是區太的利是。
由於我阿媽俾左兩封$500佢個女，令我 滿以為這兩封也是$500，但硩估唔到身家極之豐厚的她，竟然俾左兩封$100給我!!!
Mrs. Au, your 利是 really pissed me off!
區可宜，你明年只會得到兩封$20!!! wahahahahahahaha! My Dumb Dumb Toy好友黃輝送的 Night at The Museum 既 Dumb Dumb 玩具, 係咪好得意呢?
答應過你, 收到之後我會有50% recovered, 今天我的status 已有50.4%了。
我的Dumb Dumb 玩具, 還有煒哥做代言人的洐生白鳯丸做backdrop. 01 March Happy Wedding今日係雲地的大喜日子，祝佢同德仔白頭到老啦！ 最緊要係希望佢乖乖地，o係德國唔好悶得濟，又出去搞搞震。 過幾day 佢又要走了，都唔知幾時先有機會再見，好唔捨得，好唔捨得，好唔捨得，好唔捨得……….. |
|
|
