| Ju's profile蕭開開PhotosBlogLists |  Tools  Help |
|
31 May ONS with communication........ WTF!真係愈來愈唔明宜家 d 人諗乜，連 one night stand 都話要有 communication 同 sharing ..............
呢 d 一埋牙就開波既野，唔使咁多溝通 ar wa？！完事就閃、撇、"monk" 架啦，日後仲要 continue 有further communication？
咁差多要求？！ 你冇野呀？！！！
唔認同、唔follow，我唔認為我有咩錯，但竟換黎對方一句：「You are too naive！」
唔係ar fa？！真係有冇搞ｘ錯？！
難到我要去自我增值一下...................？！＠
23 May 教主，我已頂你唔順了教主，我知你會睇到呢個post 既......
教主，我想同你講我已經頂你唔順了，對你已到達了Boiling Point!
你每日／晚見我online 都係講同一句說話，我已經唔知可以點樣再回應你了。而你最黑人憎既係send 完message 黎，然後自己潛左水，完全冇show any respect。我宜家就用你教我既「0 Response」方法對付你，希望你可以反省一下，因為MSN block 左你既人，又豈止我一個，就算我地同屬 0905 都係咁話。
呢段日子你唔會再０係MSN見到我，真係有事搵我or 想吹下水，就直接打我手提啦！
不過請不要是以下三句開場白：
「我要搵個正常女朋友！」
「我要結婚。」
「打你。」
Otherwise我都係一樣會唔俾面小爆你 and then cut 你線，明未？ 21 May 方糖蕭開開我做了一件一生中最荒唐的事，連自己都 R 晒頭.........................................
這件事沒有令我愛上他，但卻令我突然又好掛住另一個他。
My dearest babe Joeanna，萬分感謝那天早上你為我付出的時間和effort，他日輪到你時，蕭開開必定赴湯蹈火，上刀山，落油镬，也在所不借。
好友們，對不起，讓你們擔心了。 18 May 蕭開開可以當警察曾看過一個關於招募警察的電視廣告，廣告中那位警察叔叔可以冷靜地同一時間處理多個同時爆發的危急事件，如果你都可以咁樣，你便可考慮投考警察。昨晚的經歷，讓我發現原來我也可以當警察！ 話說昨晚與一位正在哭到崩潰的朋友在CWB某酒吧內，突然李澤楷與女友Rachel出現，仲坐我隔離，一切便同時間一同爆發。 蕭開開同時間做緊呢幾樣野：
我想我可以轉行了！
05 May 不要讓林太蘿蔔榚死去上星期天去李伯母的喪禮，很久沒有到過一個有那麼多人哭泣的喪禮........
纓紅宴上大家都不自覺地談起廚藝高超的李伯母，說著她最拿手的上海雲吞、春卷、牛扒等等，真的令人又回味又唏噓。
想念一個人是很痛苦，但當想念一種味道時，那種痛苦絕不比想念一個人少！
我早感受過想念小時候葵芳樂園茶餐廳的公仔麵的滋味，每次說起，那種特別的公仔麵味都會再次在我的口中打滾，這種味道我已記掛了廿多年，一直都找不到近似的味道，痛苦得很！
今天，那種痛苦又再次重臨。由細到大每年年初一都會到李伯伯的家拜年，而李伯母親手做的春卷簡直是我初一的重點，她的春卷是世界上最好吃的春卷，由選料、包至炸都是那麼的認真。那天李伯伯跟我說，上海雲吞勉強他們的賓賓可以做得到，但春卷確是無能為力。
李伯母牌春卷正式宣佈失傳，我又多一種味道要掛念了，心情沉重得很。
每次想起懷念一種永遠失去的味道的感覺，我便想起「林太蘿蔔榚」！
林太每年過年的重任便是為全家族的人親手做蘿蔔榚，她是第二代傳人，第一代是我的外婆余太（即林太阿媽）。其實林太的蘿蔔榚早已青出於藍，她的蘿蔔榚是世上最好的，跟外間的味道完全不同，而且煎完是不會散的，這便是她的功父了。
只可惜林太已不再年青，不知還可以為我們多做多少年蘿蔔榚呢？！一想到這一點，我又十分害怕「林太蘿蔔榚」會成為 Historic Food，我們不能讓林太蘿蔔榚死去，區表妹這個第三代傳人明年真的要加把勁了！
|
|
|
