發現不少朋友於 facebook 上的 status 都改左 "Engaged"。

所以我都寫埋一份。

其實我都 already engaged~~~

Engaged to my work.....

Engaged to my job.....

Engaged to my career...... my fxxking career!

上星期五是我人生中暫時「史上最痛的一天」。

持續了兩星期的「肩頸膀痛」終於進入了「癌重」的地步了，痛得連頭也感到劇痛。

加上無限的工作壓力和永遠做不完的工作及阿姐沒完沒了的「煩x 住晒」，我簡直痛到生不如死。

 

Lunch time 終於 sip 到少少時間，走上律師樓急急簽左一份文件。

坦白說，我根本無時間看清楚那份文件，急急簽下，便要走了。

我不知道佢地今次又有冇「昆」我，但我真的沒有時間去想了。

簽完之後，不知為什麼有一種「氣數已盡」的感覺，我好像花了一生的氣力去擺脫一件永遠不能磨滅的事情。

我從不會為自己所做的事而後悔，常常只會說「唔做我一定會後悔，會死唔眼閉」。

但離開律師樓那一刻，我真的為這段婚姻感到極之後悔，後悔嫁了那個cheap 到無可再cheap 的男人。

 

格梗8 pm 放工，急急去姨媽度做治療。

又按又禁又 dub 又 chor 再加做浮針，痛得很，痛得我邊做邊哭。

做得咁辛苦....... 最後又得到咩呢?!

那刻我在想，就算宜家有一個只得四尺高、超超超超超勁様炳、完全冇女人鍾意既 Morgan Stanley VP 物體出現，我即嫁！

last friday 開左個史上最長既會，由 11:45am 開到 7:45pm，中途只係 break 過15 mins 食 lunch。

真係多得阿姐......

其實反宜要多謝佢，因為佢令我連傷心同喊既時間都冇。

撞爆腳甲的時候，你不在，連打電話給你都不能。

Weekend又不能找你，連send 一個SMS 都不可以。

永遠只是office hours 才可以跟你聯絡。

當我告訴你腳甲的嚴重情況，你竟然關心我的新居多一點？！

我也再找不到留在你身邊的理由了。

撞爆腳甲那個 moment，我知道我需要的是什麼了。

I think i dun need you anymore, itz time to walk away.

 

 

Sonic 個 msn screen name message 成日都係「一個人如果冇夢想，同條咸魚有咩分別」。

其實一個人如果生活冇焦點，都係同條咸魚冇乜分別。

我宜家正是呢條咸魚。

我相信 coming 3 years 之內我都未有升職機會，我不想隨便跟我不喜歡的人在一起，更加不想當 XXX 的情婦...........

Itz time to find my way out.

 

搬屋在即，執野執到反肚。

不經不覺已經在這間屋住了接近兩年。

由分居不久後便搬進來，還記初來的時候，JT每天都會致電給我，因為怕我會哭。

當時我沒有哭，但今天快要搬走，我竟然有點想哭。

因為都有少少唔捨得呢度，最重要既係估唔到住到呢間屋既 lease 都就快完，我都竟然仲未離到婚。

很無奈........

很想哭.......

我不要跟那個 cheap 透頂的男人的名字放在一起..........