Hey dudes, don't miss me too much~~ hahaha I will be back soon!

Million thanks to mom and dad for 又再一次縱容我的任性!

I have promised myself, 回來的時候我定會很快樂。

 

P.S. Sorry Funby, Siu Ti will take good care of you~~ Mama will miss you!

上一次去上海的時候，到了一間位於上海老街的茶館。

臨走前我在茶館的guestbook 上畫左我所飲0個杯花茶，然後寫左一段字，

叫睇到呢段字而又咁岩同我飲同一款花茶既人 email 給我！

估唔到呢個世界有人同我一樣瘋狂，兩個月前，我真的收到一封 email！

佢 email  左一首related  to 夜上海的詩和那杯花茶的照片給我。

由他/她/它的email address 組合，我估計佢係一個可能叫做 Coco 的女生。

 

今朝繼續 my HEA-ing 生活時，我突然想起這封 email，更想起原來我一直忘記左要reply 佢。

如是我今早便寫左一封 email 俾呢個瘋狂的有緣人。

點知 15 mins 後，我竟然收到佢既 reply！

原來佢係同朋友0係呢間茶館飲野時睇到我既留言，所以決定write me an email ，睇下會唔會有人回覆。

正如他/她/它說「不确定会不会有人真的能收到，这简直就跟漂流瓶一样，太不靠谱了」。我都覺得係！haha~~

 佢叫我 MSN 或 QQ add 佢，結果我add 左，因為我想知道天下間仲有冇人癲過我，咩人會 reply 一個咁既留言。

 

結果我發現這個他/她/它今年 23歲，叫张睿，來自河南，大學讀中文系畢業，

現於上海一間做 game 的公司做marketing，極愛遊山玩水。

佢同我一樣，都係0個 d 「想就要做」既人。原來又係一個癲人！

佢既工作的contract 就快完，不過佢冇搵新工，因為佢要去遊山玩水一下先。同我一樣，都係癲既！

小朋友，你有前途!!!

 

最後最詭異既係，原來呢個小朋友唔係叫Coco，更家唔係一個女生。

我仲以為张睿係女仔名黎 ga tim........

他說：「haha~ 以前在學校，每次老師說要找一個女生回答問題，都會叫了我的名字。」

 

 

　

昨晚很無聊的時候，為免自己又發呆亂諗野，我做左一件極度無聊的無聊事。

我打開手提電話的 phone book，由頭開始碌，一直碌一直碌，直至搵到一個我都諗唔起佢係邊個既名字，然後按 CALL。

這個名字叫 Joe Wong。我相信係一名男子，但我真係諗唔起佢係邊個。

 

~~~ calling ~~~~~~ 有人接了~~~

蕭：「唔該搵 Joe Wong。」

Joe：「我係。」

蕭：「你記唔記得我係邊個？」

Joe：「記得Judy ar ma。」

蕭：「真係堅記得？」

Joe：「0係 XXX度做0個個 ar ma。」

蕭：「係呀係呀！但我唔記得你係邊個。咁你其實係邊個？」

Joe：「做 IT networking 0個個 ar。」

聽聽下佢把衰聲，我終於諗起佢係邊個！

蕭：「我記得啦！你係俾楊州 Q Q 女呃0個個！！！」

Joe：「errr......係lor 係lor .....」

蕭：「哦！咁冇野啦，bye bye！」

 

 

 

 

 

 

 

我總於辭左職了！My trip to Croatia and Bosnia 總於 confirm 了，那個 Croatia Sailing trip 我等了三年，總於成事！

Finally my dream comes true!!!今次冇人冇野可以左到我上呢條船（maybe is 鬼船～haha! : P) !

這個原來的 NYC 之旅，真係估唔到 end up 變左我既 dream trip -- CROATIA!!! Land of lakes and waterfall!!!

Altho I leave with a broken heart，不過我仍然覺得 dream comes true 的滋味確是很爽~~

 

昨晚一個人在家中發呆的時候，突然間覺得好驚好擔心......

好擔心個 trip ，唔知點解..... 好驚搵唔到accomodation、好驚唔夠錢、好驚撘錯車、好驚...........

其實我知道呢 d 擔心all are 多餘，但我從未會為左一個trip 擔心同驚，特別對 Europe，向來只會未出發先興奮。

今次大鑊，我真係 lost 晒自己，呢個根本唔係原來既我............ 仲擔心到要打電話同阿Ken 講。

但阿Ken 只係不斷地讚我 cool，好可惜其實今時今日既我已經唔再有資格當佢最 cool 既朋友了。

 

最後為左令自己安心 d ，我決定msn 曾到Croatia 的 Travelife朋友仔 Terry，諗住同佢攞多d info and advice定下驚。

傾傾下，佢發現我0係今既經濟環境下都竟然夠胆死辭職去旅行，佢不禁問左我一個問題：「你係咪一個好有自信既人呢？」

我答：「umm.... used to be.... not at this moment....」　

Offline 後我諗返自己既答案都覺得好驚，因為我從來都是牙斬斬又串咀的一群，

今天竟然連自信、 wisdom同myself 通通失去晒..... 有時都真係唔知呢幾年我做過乜黎會搞成咁.......

星期五的晚上，一位好久不見的 high school schoolmate 的一番說話，令我深深的明白到為什麼機會永遠是留給作好準備的人。

今天的我，in very bad condition ，此刻無論任何機會出現，我也不會 perform well。

 

朋友們知道我又要行開一陣，都跟我說：「咁記得帶返開開心心既蕭開開返黎啦！」

我說：「我一定會ga la!」

同時我也跟自己說：「今天我失去既或輸左既，不重要。因為我知道自己他日一定會贏返返黎，仲一定會贏突。」

是時間認真的重整一下我自己，然後再重新出發了。

 

近日已進入完全 HEA mode 既我，返工當然係 hea 爆。所以無意間又翻睇下自己個 blog，發現阿暉數年前曾給予我一段 description：

「J 就是如此坦率可愛的女子。愛如是，恨如是，都不會埋在心裡作繭自縛，她的字就如她本人一樣直接、坦白、絲毫不掩飾。」

我細心地雷下呢句野，原來咁多年來，時至今天自己都係冇變過，有咩唔開心既事都係要鬧爆晒，出左啖氣先會覺得 OK，都唔知係好事定壞事呢？！

又發現原來我近幾年都幾多唔開心既 post......睇返唔知點解覺得有少少無謂。

原來好多時自己既唔開心都好無謂，就好似今日收到phone bill，一睇到我即刻想大喊－句：「DLS！」

因為 $598!!! 離la 晒大譜！用多左 almost extra 400 minutes！呢 400 mins 咪就係用左0係吵架、喊同鬧上面，今日睇返真覺得好唔抵！

仲要加上我呢期經濟結据，更加小晒鬼。

再加上諗到每次呢類型事件發生，我哭到死去活來時，對方去左邊、做緊乜呢？咪就係攬住第二條女happy 緊 lor！

諗到呢一點，更加 DLS X 100000000000000000000 ！點解自己會咁 stupid 呢?! 真係喊得唔抵！係唔會有人可憐架！

有一天我哭到睡著了，早上醒來時，突然想起我曾經看過最晴朗的藍天、吃過世上最好味的 strawberry，

其實除左喊同亂咁搵個人黎愛，人生仲有好多野可以做的。

我知道 I have already lost myself，又係時候出去搵返自己、搵返「活o係世上真係美好」0個種感覺了。

 

 

 

 

 

 

曾經一件事令阿 B 形容好似割斷佢條大動脈一樣，宜家我終於知度呢種感覺係點.....

我竟然已經喊到 out of tear，連喊到唔再有眼淚出，咁樣 over dehydrate 我對眼，都好似係第一次。

琴晚同Daisy 出黎，我發現佢完全唔同晒，以前佢會同我一樣哭哭啼啼，但今日佢已經唔會再為呢 d 問題煩惱，仲可以好清醒同埋有金句。

趁我仲記憶猶新，我一定要記低佢。

 

開：「你估佢宜家係咪同佢女朋友o係廣州好開心？」

D：「唔會！除非佢帶住三十萬返去！帶三十萬返去俾呢條北菇種金，otherwise 條北菇一定叫去食蕉啦！」

 

開：「咁你估佢地做緊 d 乜......」

 D：「點解你一定要諗佢地宜家好開心呢？！我覺得唔係lor，我返宜覺得佢俾條北菇插到爆晒，因為冇帶三十萬返去俾佢種金lor，條仔一定day day 以淚洗面緊。」

 

開：「佢話如果佢揀返同0個個大陸妹一齊，佢話叫我當佢盲左喎......」

D：「你叫佢食屎啦，真係自己插爆自己對眼先黎同我講呢句野啦！」

 

開：「點解佢唔打俾我既？」

D：「因為佢自己都未知自己想點，打到黎佢可以同你講咩？！話唔定佢都一齊種緊金呢。」

D：「宜家發生既野，你就當係欠左佢，宜家還返俾佢lor，唔使唔開心ga wor。」

 

雖然我唔知道 Daisy 所講既野係真定係假，但足以令我那一刻破涕為笑，唔再喊落去。

佢出唔出見，又或者揀邊個，已經唔再重要了。

 

朋友們，我還好呢，對不起，又讓你們擔心了。